Ya nun hai papoulas ente los sucos del trigu.

Nun hai campos onde los trigales

repullezan de lluna

y al tiempu, al inesorable tiempu,

douren las suas alturas al calor del branu.

 

yá nun hai siega, nin trilla

y el cantar de los páxaros qu’habitonun los outeiros

vive d’ausencia.

 

Tampoucu nun hai paisaxes, nin personas,

nin tan siquier aqueillas que s’amonun

el día de sema.

 

Los niños yá nin esisten.

 

Nun hai son de carru, nun hai gues,

tampoucu nun hai molín,

molienda

o molineiru.

 

Nun hai caminos.

 

Nun hai veiga

purque nun hai ríu.

 

Nun hai fiesta.

 

Nun hai pueblu.

 

 

Miguel Escanciano. 2008